Мэдээ, Мэдээллийн веб

Троллейбусны угсралт үйлдвэрийн байр ашиглалтад орлоо

no_email@blogmn.net (Almas) — Fri, 11 May 2012 21:55:00 +0800

Нийслэлийн төсвийн хөрөнгө оруулалтаар троллейбусны угсралт үйлдвэрийн байр манай улсад анх удаа ашиглалтад орлоо. Энэ жил нийслэлийн хөрөнгө оруулалтаар “Цахилгаан тээвэр” компанийн угсралтын үйлдвэрлэлийг шугаман дамжлагад шилжүүлснээр үйлдвэрлэлийн хүчин чадал гурав дахин өсч, жилд 80-100 ширхэг троллейбус, дуобус угсарч үйлдвэрлэх техник технологийн боломжоор хангагджээ.
Тус компани 2006 онд Их Монгол улс байгуулагдсаны 800 жилийн ойгоор анхны JEA-800 маркийн троллейбус угсарч эхэлснээс хойш нийт 41 трол...

[дэлгэрэнгүй]

Монголчуудын хиймэл дагуулыг сансарт хөөргөнө

no_email@blogmn.net (Almas) — Fri, 11 May 2012 21:48:00 +0800

Монгол Улсын үндэсний анхны хиймэл дагуулыг сансарт хөөргөх болсноо залуу судлаачид, зохион бүтээгчид өчигдөр зарлалаа. Олон улсын стандартад нийцсэн техник технологийг ашиглан монгол хүний оюун ухаанаар бүтээсэн хиймэл дагуулийг хөөргөх нь Монгол улсын нэрийг олон улсад дуурсгах нэгэн том бахархал мөн. Тиймээс Б.Төгөлдөр, Ц.Нандинбаатар, Э.Батбаяр нарын залуус 2006 онд энэ санаачилгыг гарган хичээл зүтгэлтэй ажилласан нь үр дүнгээ өгчээ. Тэдний нэг Б.Төгөлдөр өнгөрсөн дөрөвдүгээр сард АНУ-ын Лос-Анжелес хотод болсон олон улсын хуралд оролцсон байна. Тэгэхдээ холбогдох байгууллагынхантай уулзаж, 2013 оны нэгдүгээр улиралд АНУ-ын пуужинд Монголын үндэснийхээ хиймэл дагуулыг суурилуулан хөөргөхөөр тохиролцсон аж. Тэд хиймэл дагуулаа Монголдоо бүтээх юм байна. Үүний тулд ШУА-ийн Мэдээлэл технологийн хүрээлэн, МУИС-ийн Цөмийн судалгааны төвтэй хамтран судалгаа шинж...

[дэлгэрэнгүй]

Улаанбаатарын ус, хөрсөнд уран илэрчээ

no_email@blogmn.net (Enhmandah) — Wed, 11 Apr 2012 19:08:00 +0800

Өнөөдөр Монголд цөмийн энерги хөгжүүлнэ гэсэн хуурамч уриан дор гадныхныг ураны түлшээр хангах зорилготой уран олборлох ажил эрчимтэй явагдаж, улмаар жирийн ард иргэд цөмийн бизнесийн эрх ашигт золиослогдох аюул нүүрлэлээ.

Жил ирэх тусам гол горхиуд нь хэдэн мянгаараа ширгэж, гадаргууны ус нь улам бүр ховордож байхад Монголчуудыг хайрлаж энэрэх сэтгэл харийнханд болон тэдэнд үйлчлэгчдэд огтхон ч алга. Тэд амьд эрдэнэ болсон гүний усыг үхлийн хороор буртаглах ажлаа шамдан амжуулсаар. Тухайлбал, Дорноговийн Дулаан -Уулд Францын “Арева” корпорацийнхан ураныг газар дор хүчлээр уусган олборлож эхэлсэн. Гэтэл энэ аргыг газрын гүний усанд хүчил, уран нэвчих ноцтой аюултай гэдэг үндэслэлээр Австралид хоригло...

[дэлгэрэнгүй]

Би айж байна

no_email@blogmn.net (xvv) — Mon, 19 Mar 2012 15:20:00 +0800

Би жирийн иргэн. Тийм учраас л үүнийг бичиж сууна. Би 2008 оны долоодугаар сарын 1-нд болсон үйл явдлаас үүдээд цагдаагаас сүнсээ зайлтал айдаг болсон. Гэвч цаг хугацаа аливаа зүйлийг мартагнуулдагийн жишгээр энэ тухай бодох сөхөөгүй явж. Гэтэл уржигдар Сүхбаатар дүүргийн шүүхийн шийдвэрийг цагдаа нар биелүүлэхээс татгалзсан нь эл айдсыг сэргээлээ. Одоо мөрдөж буй хуулиар бол Монгол Улсад эцсийн шийдвэрийг гаргадаг ганц байгууллага бол шүүх. Шүүхийн шийдвэр эцсийнх байх ёстой. Шүүхийн шийдвэрийг үг дуугүй биелүүлдэг байх хуультай. Зарим нь санал зөрж магадгүй ээ. гэхдээ би л лав тэгж боддог. Энэ улсын иргэн бүр хуульд захирагдаж амьдрах ёстой. Ингэж ч итгэдэг. Гэтэл уржигдар юу болов оо… 2008 оны долоодугаар сарын 1-нд Монголын цагдаа МАХН-ын байрыг хамгаалж дөрвөн иргэнээ буудан хороосон юм. Эл хэргийг таслан шүүх шүүх хурал Сүхбаатар дүүргийн шүүхийн байранд болов. Шүүх хурал ч гэж дээ, дөнгөж нээгээд хэрэгт холбогдсон цагдаагийн дөрвөн хурандаад таслан сэргийлэх арга хэ...

[дэлгэрэнгүй]

МОНГОЛ - ХХ ЗУУНЫ АНХНЫ ҮНДЭСТЭН-УЛС МӨН

no_email@blogmn.net (Enhmandah) — Wed, 28 Dec 2011 10:37:00 +0800

Энэ нийтлэлийг оруулахгүй байхын аргагүй байлаа. Үнэхээр сонирхолтой. та бүхэн нэг уншаад үзээрэй.

Монгол Улсын тусгаар тогтнолын тэгш нэгэн зууны их ойн жил айсуй. “Ой” хэмээгч монгол үгийн салаа утга нь нэг талаас хөвч их мод, нөгөө талаас ой ухаан, тогтоолт санамж гэсэн санааг илэрхийлэх тухайд хэдэн жилийн өмнө Я.Долгоржав багш (өдгөө Монгол Улсаас БН Куба Улсад суугаа Онц бөгөөд Бүрэн эрхт Элчин сайд) нэн сонирхолтой байдлаар, басхүү ихийг бодоход өдөөн дуудаж бичсэн билээ. Түүхт ой хэмээгч нь үндэстний ой санамжийн илэрхийлэл болох тул ач холбогдол нь үүнд оршин буй гэсэн сайхь эрдэмтний санаанд тулгуурлан Монгол Улсын хамгийн чухал тэмдэглэлт ой - тусгаар тогтнолын 100 жилийн ойг угтуулан, 99 дэх жилийн босгон дээр бидний хамтын ой санамжин дахь зарим ташаарлыг хөндөхийг зорилоо.

Өдгөөгөөс 99 жилийн тэртээ, билгийн тооллын цагаагчин гахай жилийн өвөл, аргын 1911 оны арванхоёрдугаар сарын 29-ний өдөр М...

[дэлгэрэнгүй]

ХӨХ ТОЛБОТ ХҮМҮҮС

no_email@blogmn.net (DESI) — Wed, 26 Oct 2011 02:05:00 +0800

”ДОЗ” энтертайнмент студиин “ХӨХ ТОЛБОТ ХҮМҮҮС” бүрэн хэмжээний уран сайхны киноны 20%-н зураг авалтыг Монголд авсан бол 80%-ыг Герман улсын нийслэл Берлин хот, Бүгд Найрамдах Франц улсын нийслэл Парис хотноо амжилттай аваад иржээ. Ерөнхий найруулагч Ш.Доржсүрэн, зураглаачаар Б. Отгонзориг, хөгжмийн зохиолчоор Алтанураг хамтлагийн Б.Эрдэнэбат, зөвлөхөөр Герман улсын найруулагч Veith гээд нийт 7 орны хүмүүс тус уран бүтээлд хамтран ажилласан байна. Киноны гол дүрд Т. Эрдэнэбаяр буй /Тусгай салаа киноны Дэндэв/ Н.Дагийранз, Ц.Төмөрбаатар, С.Уудам, А.Мөнгөнзул, П.Баттөр, Klaffke гэх мэт нийт 40 гаруй хүний бүрэлдэхүүн ажилласан юм. Кино групп нь чадварлаг мэргэжлийн уран бүтээлчдээс гадна та бидний сайн таниx Өвөр Монголын дууч хүү Уудам тоглосон нь киног илүү сонирхолтой болгож байгаа.

Түүгээр ч зогсохгүй ”DOZ entertainment”-ийн шинэ бүтээл болох “ХӨХ ТОЛБОТ ХҮМҮҮС” бүрэн хэмжээний уран сайхны кино Францын нийслэл Парис хотноо 2011 оны 10...

[дэлгэрэнгүй]

Террорист халдлагын өмнөх шинж тэмдэг

no_email@blogmn.net (dadido) — Sat, 22 Oct 2011 19:49:00 +0800

Манай орон үнэндээ дэлхийн хамгийн тайван орон байх. Цаашид ч байх болтугай. Уг нь миний оруулах гэж байгаа энэ мэдээллийг манай хүчний байгууллагуудын вэбсайтуудад тавьсан байх ёстой ч өөрсдийнхөө үйл ажиллагаанд эрддэг юм уу анзаардаггүй юм уу бүү мэд оруулаагүй л байна өнөөдрийг хүртэл. Манай улс Афганистан, Ирак зэрэг оронд цэргийн ажиллагаанд оролцож алан хядах байгууллагуудын "бай" орны тоонд нэр нь хүртэл явж байсан гэхээр террорист халдлага биднээс тийм ч холуур зүйл биш болтой. Монгол улсын нутаг дэвсгэрт биш юм аа гэхэд гадаад улсад байгаа манай улсын иргэд, байгууллагад халдахгүй байх баталгаа бас 100 хувь байхгүй. Нөгөө талаар террорист халдлага нь зөвхөн ислам шашинтангуудын үйлдэл биш гэдгийг өнгөрсөн зун Норвегид/дэлхийн тайван орны тоонд байсан / болсон эмгэнэлт явдал харуулсан билээ. Үзэл санааны хэт туйлшрал, төрөлх сэтгэцийн эмгэгээс болж ийм үйлдэл хийх хүн байхыг үгүйсгэхгүй гэхдээ батлахгүй.
Энэ жил О...

[дэлгэрэнгүй]

Цөмийн ослуудын түүх

no_email@blogmn.net (AmonRa) — Fri, 26 Aug 2011 15:46:00 +0800

Зөвхөн 1986 оны Чернобылийн осолдсон реакторын гамшигт, олон нийтин мэдээллийн хэрэгслэл анхаарлаа хандуулснаар, энхийн атомын хэрэглээн дахь цорын ганц том гамшиг мэт ойлгуулан харуулдаг. Гэвч Швейцарын Люцензын цөмийн цахилгаан станцад болж өнгөрсөн ослын тухай швейцарчуудын дунд мэдэх хүн өнөө хүртэл тун ховор.

Францын Цөмийн аюулгүйн байдлын дээд сургуульд гаргасан судалгаа гаргахдаа, дэлхий даяар 60 том осол гарсан бөгөөд, түүнээс 33 нь зөвхөн АНУ-ын нутаг дэвсгэр дээр болж өнгөрчээ.

12 сарын 3, 1949 Ханфорд, АНУ (Hanford, USA)

Плутонийн судалгааны төвд явагдсан туршилтын улмаас цацраг идэвхт үүл үүсжээ. 110 км орчин тойронд маш хүчтэй хордож, цацраг идэвхийн өндөр хэмжээ тогтоогдсон. Анх 1986 онд энэхүү ослын тухай мэдээ баримт олгогдсон.

12 сарын 12, 1952 он Чолк Ривер, Канад улс (Chalk River, Kanada)

Оттава хотын ойролцоох Чолк Риверын цөмийн реактор осолдож байжээ. Уг реакторын осол нь ажилчдын хоорондоо буруу ойл...

[дэлгэрэнгүй]

Атомын цахилгаан станц: үнэн худлыг өгүүлэх нь

no_email@blogmn.net (Almas) — Thu, 25 Aug 2011 22:57:00 +0800

Кёотогийн их сургуулийн Цөмийн реактор туршин судлах төвийн Коидэ Хироаки багшийн "原発のウソ"　буюу махчилбал "Атомын цахилгаан станцын худал хуурмаг" номоос хэсэгчлэн орчуулснаа өнөөдрийн бичлэгт орууллаа.
　　Коидэ багш номыг нь монгол хэлнээ орчуулахыг дуртайя зөвшөөрсөнд талархал илэрхийлж монгол түмэн цөмийн хаягдлын тухай үнэн зөв, өргөн хэмжээнийг мэдлэг, мэдээлэлтэй болохыг хүссэнийг энд уламжилъя.
　　Коидэ багш ахлах ангиа төгсөхдөө цөмийн энергийг энхийн зорилгоор ашиглахад хувь нэмрээ оруулахыг хүсч 1968 онд Тохокүгийн их сургуулийн цөмийн инженерийн ангид элсэн сурсан боловч цөмийн энергийг судлах тусам ач тус биш аюул хор нь илүү болохыг яс махандаа шингэтэл ойлгож мэдсэн гэж бичсэн байна. Улмаар Иката Атомын цахилгаан станцын (АЦС) шүүх хурал,　Нингёо Тоогэгийн ураны үлдэгдэлийн асуудал, JCO-гийн осол зэрэг АЦС болон цөмийн энергитэй холбоотой олон хэрэг гарахад Коидэ багш үргэлж эрүүл мэнд, амь насаа алдах энгийн иргэдийн талд байжээ. Цөмийн энергийн мэргэж...

[дэлгэрэнгүй]

Фукушимагийн үр дагавар (монгол хэлээр)

no_email@blogmn.net (AmonRa) — Mon, 22 Aug 2011 20:38:00 +0800

Японы Фукушима мужийн байдлын талаарх ZDF телевизийн богино сурвалжилга.

Тоглуулах товчийг дарсны дараа доод хэсэгт буй [cc] товчийг дарж байгаад Монгол хэлээрх хадмал орчуулгатайгаар үзээрэй.